Besta bók sem ég las á árinu*

*ég er enn að lesa hana. Feature Engineering and Selection eftir Max Kuhn og Kjell Johnson. Besta bók um spálíkön og vélnám síðan Applied Predictive Modeling, eftir sömu höfunda, kom út. Í stuttu máli, hvernig getur þú umbylt gögnum á hátt sem gagnast sem best til notkunar í spálíkönum?

Ok, þá. Besta bókin sem var ekki kennslubók

Í öllu tali um fjórðu iðnbyltinguna, mátt vélnáms, gervigreindar og sjálfvirknivæðingar er Weapons of Math Destruction eftir Cathy O’Neil algjör og ófrávíkjanleg skyldulesning hjá öllum þeim sem vinna með gögn, eða taka mikilvægar ákvarðanir út frá gögnum sem aðrir hafa unnið. Í stuttu máli, reikniritavæðing nútímasamfélagsins getur þýtt kerfisvæðingu óréttlætis ef við stöndum okkur ekki í stykkinu. Við getum eyðilagt einstaklinga og samfélög ef við nálgumst viðfangsefnið ekki af aga og alvarleika.

Hvað gerði ég á árinu?

• Ég vann voða, voða mikið af líkanavinnu fyrir tekjuskattsbreytingarnar sem gengu í garð Í DAG! Ég var starfsmaður sérfræðihóps um endurskoðunina (og starfsmaður og nefndarmaður í tveimur öðrum starfshópum sem lögðu grundvöllinn að þessari vinnu) og fannst skemmtilegt að sjá þegar sérfræðihópurinn sagði í skýrslunni sem gefin var út að ég væri “frumkvöðull þeirrar forritunarvinnu og líkanagerðar sem hér birtist í skýrslunni”. Krefjandi starf en ótrúlega, ótrúlega gefandi að fá að taka þátt í þessu.

• Ég hjólaði 1.287 km frá Danmörku til Frakklands með Team Rynkeby til stuðnings Styrktarfélagi Krabbameinssjúkra Barna (SKB). Ef þú ert að lesa þetta þá vil ég svo mikið hvetja þig til að styrkja þetta mikilvæga verkefni. 100% af söfnunarféinu fer til SKB. Það er einfalt, þú getur til dæmis hringt í eftirfarandi númer.
  • 907-1601: 1.500 kr.
  • 907-1602: 3.000 kr.
  • 907-1603: 5.000 kr.
    
    

• Ég gerði fullt af Shiny mælaborðum, stjórnborðum og reiknivélum. Ein reiknivélin varð “viral” og ég gat ekki notað símann minn í tvo daga af því að fólk hafði svo margar spurningar um tekjuskattsbreytingarnar.

• Hey, já. Svo gerði ég þessa heimasíðu sem þú ert að skoða. Það var skemmtilegt. Hún er öll gerð í blogdown pakkanum í R, þannig ég þurfti ekki einu sinni að fara út úr RStudio til að gera hana.

• Ég fór á vélnámsvinnustofu hjá Max Kuhn í London. Það var svo fáránlega fræðandi og gefandi að það kemst engan veginn fyrir almennilega í þessum pósti. En í stuttu máli, það var gjörsamlega geggjað. Ég hef tekið fjöldan allan af kúrsum og vinnustofum í vélnámi, en þetta var by far langbesta kennsluupplifun sem ég hef átt innan þessa geira.

R

Hvaða pakkar stóðu upp úr?

• tidyverse. Þetta kemur engum á óvart. tidyverse er undirstaðan í allri minni vinnu.
• parsnip og öll tidymodels svítan af R pökkum.
• rmarkdown. Það er smá skrítið að segja það af því að það er svo mikið grundvallaratriði í verkflæðinu mínu í dag, en áramótaheitið mitt fyrir 2019 var að temja mér að nota alltaf rmarkdown þegar við átti. Þannig að þó mér finnist ég hafa verið í rmarkdown landi í langan tíma, þá er það strangt til tekið bara “nýtilkomið”.
  
• drake pakkinn. Ég mun aldrei fara til baka. Þegar maður er byrjaður að halda utan um verkflæði verkefnanna sinna með þessum hætti, hugsar maður bara “Hvernig fúnkeraði ég í stórum verkefnum fyrir tíma drake?”
• future og furrr. Ég byrjaði að nota furrr (og þar með future bakendann) til að gera purrr aðgerðir að parallel útreikningum á mörgum kjörnum. Það er snilld upp á hve mikið ég nota purrr. Syntaxinn er sá sami, þannig að maður fær “ókeypis” parallel útreikninga með furrr. Plús að það passar mjög smurt inn í drake umhverfið.